සිතියම් කියවීම.
පරිමාණ හා වර්ගය අනුව සිතියම් වර්ග පිලිබඳ මීට කලින් ලිපියක අපි ඔබව දැනුවත් කළා හැමෝටම මතක ඇති.ඉතින් සිතියම් වල ආවරණය වන භුමි ප්‍රමාණය හා පෙන්වා ඇති දත්ත සඳහා පරිමාණය බලපෑ හැකි ආකාරය අනුව එම සිතියම් වල පරිමාණයන් තීරණය කරනු ලබනවා.
ඇයි අපි පරිමාණයක් භාවිතා කරන්නේ කියල ප්‍රශ්නයක් ඇහුවොත් ඔබගේ උත්තරය මොකක්ද?
උත්තරය වෙන්න ඕනේ අපට භුමියේ සැලකියයුතු ප්‍රදේශයක් ආවරණය වන පරිදි සිතියමක සලකුණු කිරීමේ හැකියාව පවතින හින්ද කියල.
පරිමාණය = සිතියමේ දිග /භුමියේ දිග
පරිමාණය = සිතියමේ දුර / පොළොවේ දුර
සාමාන්‍යයෙන් සිතියමක පරිමාණයන් ආකාර කීපයකට දක්වන්න පුළුවන්
01. අනුපාතයක් වශයෙන් = අඟලට සැතපුම් එකයි
02. පුර්ණ භාගයක් ලෙස = 1/50000 , 1:50000
03. ප්‍රස්ථාරික නිරුපනය
සිතියමෙන් මැනීම
· ස්ථාන දෙකක් අතර දුර ගණනය කිරීම
සිතියමේ පරිමාණය 1:50000 නම්
සිතියමේ එකක 1 = භුම්යේ එකක 50000
සිතියමේ සෙ.මී 1 = භුම්යේ සෙ.මී 50000
අපි හිතමු සිතියමේ එක ස්ථානය සිට අනෙක් ස්ථානයට දිග සෙ.මී 10 කියල.
එහෙමනම් සිතියමේ සෙ.මී 10 = භුමියේ සෙ.මී 50000 x 10
එහෙමනම් සිතියමේ සෙ.මී 10 = භුමියේ සෙ.මී 500000
ඒ කියන්නේ (සෙ.මී 100000 = කි.මී 1)
සිතියමේ සෙ.මී 10 = භුමියේ KM (කිලෝමීටර්) නම් 5 යි
සිතියමේ සෙ.මී 10 = භුමියේ m (මීටර්) නම් 5000 යි.
ඉතින්
අද කාලේ ඕනෙම කෙනෙකුට මේ දේ හොයාගන්න පුළුවන් තමන් ලග තියන සිතියමක තැන්
දෙකක් අතර දුර දන්නවනම් ගණන් හද හද ඉන්න ඕනේ නෑ google එකේ හොයල බැලුවනම්
ඕනේ තරම් converters හොයාගන්න පුළුවන් ඒකක පරිවර්තනය කරගන්න.
· භූමියක වර්ගඵලය මැනීම.
දැන් ඔයාල හැමෝම දන්නවා දුරක් හොයන්න සිතියමක ඉතින් වර්ගඵලය කියල කියන්නේ (හරි හතරැස් ඉඩමක නම්) දිග පළලෙන් වැඩි කලාම එන උත්තරයනේ.
හිතන්නකෝ 1:50000 සිතියමේ තියන ඉඩමේ දිග සෙ.මී 10 පළල සෙ.මී 15 කියල
ඉතින් කලින් විදිහටම අපි මුලින්ම අපේ සිතියමේ එක පැත්තක දුර හෝ දිග හොයා ගන්න ඕනේ. ඒක හොයද්දි එකම ඒකකයකින් පරිවර්තනය කරගන්න ඕනෙ.
මුලින් සෙ.මී 10 නම් අපි කිලෝමීටර් 5 කියල උත්තරය හදා ගත්තනේ.ඉතින් දැන් අපි හොයාගන්න ඕනෙ සෙ.මී 15 නම් කිලෝමීටර් කොච්චරක්ද කියන එක.
සිතියමේ පරිමාණය 1:50000 නම්
සිතියමේ එකක 1 = භුම්යේ එකක 50000
සිතියමේ සෙ.මී 1 = භුම්යේ සෙ.මී 50000
එහෙමනම් සිතියමේ සෙ.මී 15 = භුමියේ සෙ.මී 50000 x 15
එහෙමනම් සිතියමේ සෙ.මී 15 = භුමියේ සෙ.මී 750000
ඒ කියන්නේ (සෙ.මී 100000 = කි.මී 1)
සිතියමේ සෙ.මී 15 = භුමියේ KM (කිලෝමීටර්) නම් 7.5 යි
සිතියමේ සෙ.මී 15 = භුමියේ m (මීටර්) නම් 7500 යි.
ඉතින් දැන් අපිට කලින් කතා කල භුමියේ වර්ගඵලය ලේසියෙන්ම හොයාගන්න පුළුවන්
භුමියේ වර්ගඵලය = කි.මී 7.5 X කි.මී 5
භුමියේ වර්ගඵලය = වර්ග කි.මී 37.5
මන්
හිතනවා සරලවම මේ අපි කතා කල දේවල් ඔබට තේරෙනවා ඇති කියල ඉතින් අපි ඊලග
ලිපියන් බලමු මොනවද මිනින්දෝරු දෙපාර්තමේන්තුව විසින් ආරම්භයේ සිට මේ දක්වා
සකස් කර ඇති පිඹුරු කියල.
උපුටා ගැනීම -
-චතුර තෙන්නකෝන් මහතාගේ මුහුණූ පොතින්....